I vodhi kompjuterin e më pas i vuri flakën banesës, policia arreston 38-vjeçarin në Berat. I gjen provat në shtëpi

Nga OraNews Përditësimi i fundit 22 Shkurt 2022, 14:20

Policia e Beratit ka arrestuar një 38-vjeçar i cili akuzohet për vjedhje dhe dëmtim të pronës nëpërmjet zjarrit.

Policia bën me dije se u arrestua  K.E., 38 vjeç, banues në lagjen "Kushtrim", Berat, pasi në lagjen "30 vjetori", në banesën e shtetasit E.Xh., ka vjedhur në Lap Top dhe më pas i ka vënë zjarrin banesës.

Shërbimet e policisë kanë shkuar në vendngjarje, ku kanë bërë të mundur fikjen e zjarrit, identifikimin dhe kapjen e autorit.

Gjatë kontrollit në banesën e shtetasit K.E., u gjetën dhe u sekuestruan në cilësinë e provës materiale fishek luftarak, disa çelësa bravash, 1 Lap Top dhe disa orendi shtëpiake të cilat dyshohet të jenë vjedhur më parë.

Në vijim të veprimeve hetimore shtetasi K.E, dyshohet të jetë autor i një vjedhje të ndodhur më parë në banesën e shtetasit M.Zh., ku ka marrë disa orendi shtëpiake.

Materialet i kaluan Prokurorisë së Rrethit Gjyqësor Berat për veprime të mëtejshme.