Kryemadhi: Komisioni i incineratorëve si vazhdimi i 17 majit, SPAK të veprojë mbi faktet
Nga OraNews Përditësimi i fundit 21 Shkurt 2022, 19:14
Kryetarja e LSI-së, Monika Kryemadhi ka bërë një postim në Facebook ku shkruan se Basha në 17 maj i braktisi demokratët në çadër për të bashkëqeverisur me Ramën.
Sipas saj, zhvillimet në komisionin hetimor parlamentar po duken fiks si një vazhdim i kësaj lidhjeje të veçantë e të fshehtë.
Ajo shton se zbardhja e së vërtetës për inceneratorët nuk duhet të dështojë, siç dështoi mbrojtja e Teatrit Kombëtar.
Kryemadhi shton se loja politike mes qeverisë dhe kunat-opozitës nuk duhet lejuar të deformojë drejtësinë e re dhe i bën thirrje SPAK-ut të veprojë mbi faktet pa humbur kohë.
Kryemadhi: Besoj e mbani mend 17 Majin kur Basha braktisi demokratët në çadër për të bashkëqeverisur me Ramën. Zhvillimet në komisionin hetimor parlamentar po duken fiks si një vazhdim i kësaj lidhjeje të veçantë e të fshehtë. Zbardhja e së vërtetës për inceneratorët nuk duhet të dështojë, siç dështoi mbrojtja e Teatrit Kombëtar. Loja politike mes qeverisë dhe kunat-opozitës nuk duhet lejuar të deformojë drejtësinë e re! Inkurajoj SPAK të veprojë mbi faktet pa humbur kohë! Këtu ndahet historia, duke treguar nëse jemi duke ndërtuar një shtet të së drejtës evropiane, apo drejt instalimit final të kapjes së shtetit, drejtësisë, opozitës.
