“Edhe supervizor edhe projektues” Balluku te "incineratorët": Thërriteni se ka përgjegjësi ligjore!
Nga OraNews Përditësimi i fundit 21 Shkurt 2022, 17:01
Në Komisionin Hetimor për incineratorët është duke dhënë dëshminë e saj edhe ministrja e infrastrukturës dhe energjisë, Belinda Balluku.
Balluku është pyetur nga deputeti demokrat Helidon Bushati i cili e ka pyetur për supervizorin e tyre, i cili është edhe projektues njëkohësisht.
Balluku u përgjigj se në këto kushte duhet të thërritet supervizor duke qenë se ka përgjegjësi ligjore, në lidhje me çdo gjë që i drejtohet autoritetit kontraktor.
Pjesë nga debatet:
Helidon Bushati: Të fokusohemi te përzgjedhja e supervizorit….
Belinda Balluku: Më bëhet qejfi që e përmendi faktin se si janë zgjedhur supervizorët. Supervizori është zgjedhur me propozim të koncensioniarit duke sjellë 3 kompani të ndryshme. I janë dorëzuar autoritetit kontraktor, për të bërë përzgjedhjen e 3 kompanive. Kështu është bërë përzgjedhja.
Helidon Bushati: Përsa i përket superivizorëve, tani në një rast konkret na del edhe projektues, a ka konflikt interesi?
Belinda Balluku: Në këto kushte duhet të thërrisini supervizorin duke qenë se ka përgjegjësi ligjore, në lidhje me çdo gjë që i drejtohet autoritetit kontraktor. Besoj se nuk do ta refuzojë praninë e tij në këtë sallë. Kjo është pyetje politike…
Helidon Bushati: Por ju referohem si titullare duke qenë se jeni në detyrat funksionale tuaja, futet edhe kjo
Belinda Balluku: Edhe njëherë po përgjigjem pikërisht si titullare, këto kontrata kanë ardhur në 2018 dhe kanë qenë kontrata në vazhdim. Ju po kërkoni gjykimin e procedurës, unë nuk e shikoj në fushën timë të përgjegjësisë që thjesht në pikëpamjen time ju po mundohen të bëni që një përgjegjës të japë pasqyrimin e tij personal. Nëse keni pyetje për supervizorin, thirreni e pyeteni.
Helidon Bushati: Ju kanë sjellë ju si titullare me raportet e ndryshme për problematika të ndryshme. Po i referohem një elementi tjetër.
