Ekzekutoi me 8 plumba “boss-in” shqiptar të drogës në Londër, dënohet me burgim të përjetshëm 24-vjeçari
Nga OraNews Përditësimi i fundit 18 Shkurt 2022, 21:38
Një kikbokser suedez që vrau Flamur Beqirin, babain e dy fëmijëve në sy të familjes së tij është dënuar me burgim të përjetshëm.
Flamur Beqiri, 36 vjeç, u qëllua për vdekje në sy të gruas së tij që bërtiste, teksa ajo mbronte djalin e tyre dyvjeçar.
Vrasja ndodhi në pragun e shtëpisë së tij prej 1.7 milionë paund në Battersea, në jug-perëndim të Londrës, në prag të Krishtlindjeve në 2019.
Anis Hemissi, 24 vjeç, u dënua me burgim të përjetshëm me një afat minimal prej 35 vjetësh në Gjykatën e Kurorës Southëark.
Beqiri, vëllai i yllit të Real Housewives Of Cheshire, Misse Beqiri, ishte kryetar i një bande ndërkombëtare të drogës dhe ishte në shënjestër pas një grindjeje me një grup rival të krimit të organizuar.
36-vjeçari, i cili kishte kombësi të përbashkët suedeze dhe shqiptare, pretendonte se merrej me biznesin e muzikës, por ishte përfshirë në tregtinë ndërkombëtare të drogës që nga viti 2007.
Hemissi u punësua si një vrasës për të fluturuar në Londër për të kryer vrasjen, e cila ishte planifikuar për 6 muaj rresht.
Kikboksieri profesionist hipi në një biçikletë të veçantë për femra, veshi një maskë lateksi dhe u maskua si një grumbullues mbeturinash për të kryer krimin.
Më pas, ai qëlloi tetë herë Beqirin nga prapa. Hemisi u shpall fajtor për vrasje dhe armëmbajtje.
Flamur Beqiri
