Lojëra fati të paligjshme në lokal, 1 i arrestuar në Vlorë dhe 1 në kërkim. Sekuestrohen 7 kompjutera
Nga OraNews Përditësimi i fundit 12 Shkurt 2022, 13:37
Policia e Vlorës ka goditur 2 raste të zhvillimit të aktivitetit të paligjshëm të lojërave të fatit.
Një person është arrestuar, 2 janë vënë nën hetim dhe një tjetër është shpallur në kërkim. Sipas bluve gjatë kontrolleve të ushtruara nga policia u bë arrestimi i Olsi H., 30 vjeç dhe u shpall në kërkim shtetasi Xhimi Ll., 38 vjeç, (pronar i lokalit).
"Në ambientet e lokalit të shtetasit Xhimi Ll, u gjetën e sekuestruan 7 njësi kompjuterike, 2 USB, 1 printer dhe 1 aparat celular, të cilat shërbenin për ushtrimin e lojërave të fatit, inforom policia.
Nën hetim u vu shtetasi J. D.,55 vjeç, pasi u konstatua duke luajtur lojra fati, në një nga kompjuterat.
Gjithashtu në vijim të kontrolleve u procedua penalisht shtetasit G. Ç., 32 vjeç, banues në lagjen “Hajro Çakërri” Vlorë, pasi gjatë kontrollit të ushtruar në ambientet e një lokali, në lagjen “Partizani” Vlorë, i është gjetur dhe sekuestruar një aparat telefoni celular, që e përdorte për lojra fati të paligjshme (baste sportive).
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
