Katër familje në qiell në hapur, shkrumbohet gjatë natës godina në Bulqizë
Nga OraNews Përditësimi i fundit 6 Shkurt 2022, 08:53
Një zjarr i fuqishëm përfshiu një godinë banimi në lagjen e vjetër të Bulqizës mbrëmjen e kaluar, 5 shkurt.
Burime për Ora News bëjnë me dije se objekti i djegur ndodhet pak metra mbi qendrën sociale dhe në të banonin katër familje.
Ende nuk dihet se sa banorë ishin brenda në momentin e rënies së zjarrit dhe nëse ka të lënduar, ndërsa flakët kanë shkrumbuar gjithçka.
As ndërhyrja e zjarrfikësve nuk ka mundur ta vërë nën kontrolloj zjarrin e madh i cili dogji gjithçka.
Policia ka nisur hetimet për rastin në fjalë, por ende nuk ka një pistë të shkaqeve të rënies së zjarrit.
