15 vjet RTV Ora e Ora News: Vërtetësi. Profesionalizëm. Pa kompromis për të drejtën, për ju!
Nga OraNews Përditësimi i fundit 31 Janar 2022, 12:10
Punë, risi, informim,me paanësi, vërtetësi, profesionalizëm, pa kompromis për të drejtën, për ju!
Ky ishte misioni me të cilin u krijua televizioni Ora News. Ishte 31 janari 2007 kur u përshëndetëm për herë të parë me një premtim “Të parët për lajmin e fundit”
Slogan që nisi e vijon një traditë dhe sfidë për një television për të gjithë njerëzit.
Shqipëria kishte aso kohe plot halle, por ka dhe sot plot dhe kamerat dhe gazetarët e Ora News janë në mision të përditshëm.
Nuk jemi mjaftuar me pasqyrimin por kemi kërkuar zgjidhjen, përgjegjësitë.
U kemi treguar të vërtetat e mëdha të pushtetarit që kur të merr votën të kërkon nderin.
U kemi kërkuar të vërtetat zyrtarit me kollarë e këmishë të bardhë, por të bërë pis nga korrupsioni
Ora News ishte e pari TV që futi në Shqipëri kulturën e transmetimeve LIVE.
Parimi ishte i thjeshtë.
Çdo gjë në ekran, çdo gjë në sy të qytetarit.
Kemi qenë aty ku është shkruar historia.
Në çdo vend ku jetojnë ata që i thonë vetes shqiptarë.
Vitet ikën.
Sfidat u bënë edhe më të mëdha.
Ndaj sollëm dy ekrane me një qëllim, Ora News për lajmin e fundit dhe në RTV Ora me argëtim, debat, kulturë, lajm të thelluar e shumë më shumë.
Ora është një ekran për të gjithë familjen. Sjell debatin, analizën dhe emisionet tematike për çdo moshë.
Ora News mbeti shtëpia e lajmit.
Për të vërtetat që themi u gjendem pa faj nën shenjestrën e pushtetin.
Tentuan të na mbyllin gojën.
Na linçuan dhe akuzuan.
Ne foto: Forcat RENEA ne ambientet e Ora News, 3 gusht 2020
Kur dështuan, përdorën skemën më të turpshme duke përdorur pandeminë.
E sërish nuk ndaluan. Në 3 gusht 2020 Forcat Speciale RENEA, me maska dhe armë rrethuan Ora Neës.
Të tillë aksion, nuk e kishim parë si reagim pas ngjarjerve më tronditëse të krimit në vend.
Uniforma që nderonim dhe shteti për të cilin punojmë çdo ditë që të bëhet më i mirë na i ishte vënë përballë.
Armë kundër fjalës së Lirë.
Atë ditë, sfida jonë u bë edhe më e madhe.
Tashmë ështe për të drejtën dhe parimet e medias së lirë.
Kur e nisëm këtë mision ishim vetëm disa.
Sot jemi me qindra.
Qindra të tjerë kanë qenë pjesë e rrugëtimit.
Bashkë kemi krijuar një media të vërtetë.
Një ekran që nuk është përfekt, pasi jeta nuk është e tillë.
Por një pasyqyrë të realitetit ku jetojmë.
Të gjallë dhe plotë shpresë se e nesërmja do të jetë me e mirë.
Nderim për të gjithë.
Të mirëpritur ata që do të vijnë nga sot e në vijim.
Sot mund të na ndjekin në të gjithë botën në cilësinë më të lartë të zërit e figurës falë teknologjisë më lartë të transmetimit.
Dhe gjithçka jo vetëm në ekran. Radio është pjesë e rrugëtimit tuaj e webi ora neës e lajmit që qëndron në dorën tuaj
Mijëra fëmijë shqiptarë sot kanë moshën e Ora News.
Ne çdo ditë punojmë me të gjithë forcë që ata të kënë jetë më të mire.
Pa dallim nësë jetojnë në fshatrat më të thella apo në vilat e shtrejta të pushtetarëve.
Ne punojmë që ata të jenë sa më parë të barabartë mes të barabartëve.
Shtetas krenarë të një Shqipërie Europiane.
Por nuk është e lehtë.
Nuk ka qenë kurrë.
Ne kurrë nuk kemi pranuar të jetë e tillë.
Në kohëra të vështira për gazetarinë, sidomos në Shqipëri, kemi qëndruar fanatikë të së vërtetës.
Kemi besuar tek drejtësia!
Kemi besuar tek njerëzit!
Ju falenderojmë!
