Policia hesht për testin e drogës
Nga OraNews Përditësimi i fundit 31 Janar 2022, 11:21
Prej nëntorit 2021 me urdhër të Drejtorit të Përgjithshëm të Policisë së Shtetit, ka filluar testi antidrogë për efektivët e policisë.
Por ndryshe informacionet që u dha në ditët e para, tani gjithçka e ka mbuluar heshtja. Policia nuk jep asnjë detaj sesa është numri i efektivë që i janë nënshtruar deri tani këtij procesi, sa kanë rezultuar pozitivë apo dhe sa negativë.
Interesit të gazetarëve policia i përgjigjet me heshtje.
Gazetari Edison Vatnikaj bën me dije se nuk ka ende një shifër zyrtare se sa efektivë e kanë kaluar testin e drogës.
Testit antidrogë i janë nënshtruar 12 drejtoritë e vendit.
Efektivët të cilët kanë rezultuar pozitivë janë larguar nga strukturat policore, ndërsa disa prej tyre nuk e kanë pranuar rezultatin e testit dhe kanë vijuar betejën në Gjykatë. Sipas tyre testi ka pasur gabime.
