Pas krimit, Floriani u vetëdorëzua në polici: Mora gjakun e babait
Nga Elvis Hila Përditësimi i fundit 25 Janar 2022, 12:06
Detaje të reja nga vrasja që tronditi qytetin e Lezhës paraditen e 24 janarit 2022. Floriani vetëm 17 vjeç vrau Lekë Lekgjonaj, vëllanë e autorit të vrasjes së babait të tij.
Burimet bëjnë me dije se adoleshenti, Florian Përvathi është vetëdorëzuar vetë në polici. Armën e krimit e ka lënë tek zyra e informacionit dhe ka treguar se vrasjen e kreu për hakmarrje.
Adoleshenti ndodhet në gjëndje të rënduar psikologjike dhe policia ende nuk e ka marrë në pyetje.
Floriani ishte rritur me gjyshërit pasi pas vrasjes së të atit dhe vetëvrasjes së të ëmës.
17 vjeçari deri më tani nuk ka treguar si e siguroi pistoletën me të cilën vrau fqinjin ashtu sikurse nuk ka dhënë detaje kush e dërgoi në Polici
Florin Përvathi vetëm 17 vjeç ekzekutoi për vdekje 65- vjeçarin Lek lekgjonaj, i cili ndodhej në oborrin e banesës së vëllait të tij në Manati të Lezhës. Policia thotë së vrasja është kryer për çështje gjakmarrje pasi në vitin 2009 i vëllai i viktimës ka vrarë babain e autorit të krimit.
