Basha: Rama përfituesi i incineratorëve, avokatia e tij e ka nxjerrë zbuluar si bashkë i pandehur
Nga OraNews Përditësimi i fundit 30 Dhjetor 2021, 17:23
Në një dalje nga selia blu, kryedemokrati Lulzim Basha u shpreh se qeveria e Edi Ramë përfitoi financiarisht dhe politikisht nga afera e incineratorëve.
Ai tha se Avokatia e Ramës ndaj incineratorëve ka marrë një përmasë groteske dhe se kjo e ka nxjerrë zbuluar se është bashkëpërfitues dhe i pandehur në këtë aferë.
Basha: Ne kemi denoncuar me fakte se si qeveria e Edi Ramë përfitoi financiarisht dhe politikisht nga afera e incineratorëve. Ne jemi ndeshur me një mur që vetëm lartësohet, që përbëhej nga censura dhe sulme e shpifje ndaj opozitës dhe meje personalisht. Ne kemi ngritur një komisionar hetimor në Kuvend. Avokatia e Ramës ndaj incineratorëve ka marrë një përmasë groteske. Një javë para arrestimit të Lefter Kokës, në PD kanë mbërritur kallëzime penale kundrejt PD-së.
Këtu nuk kemi të bëjmë me një njeri të vetëm, por kemi të bëjmë me një trupë të tërë qeveritare. Avokatia që e Rama i ka bërë incineratorëve e ka nxjerrë zbuluar se është bashkëpërfitues dhe i pandehur në këtë aferë. Arrestimi i një ministri të Ramë është provë e qëndresë tonë për të mbrojtur një kauzë mbi 400 milionë eurosh të shqiptarëve.
