Skena për Kuvendin e Berishës, Gjylameti përgenjështron Bashën për bashkëshortin: Shihemi në gjyq, bëhu burrë
Nga OraNews Përditësimi i fundit 14 Dhjetor 2021, 11:43
Deputetja socialiste, Blerina Gjylameti, ka reaguar pas akuzave të kreut të PD-së Basha se bashkëshorti i saj solli skenën për Kuvendin e Berishës në 11 dhjetor.
Në një postim në facebook, ajo shkruan se e mirëkupton gjedjen e vështirë të Bashës por kjo nuk justifikon haluçinacionet dhe shpifjet e tij.
Duke paralajmëruar se do ta padisë për shpifje, Gjylameti e fton Bashën të bëhet burrë pasi lider sipas saj nuk mund të bëhet.
Gjylameti: E mirëkuptoj gjendjen e vështirë psikologjike në të cilën ndodhesh në këto momente, por kjo nuk i justifikon në asnjë moment halucinacionet, aq më tepër kur je dhe shpifës recidivist.
Kompania që thua nuk ka asnjë lidhje me mua, e me familjarët e mi e për këtë bashkë do shihemi në gjyq me shpresën që nuk do i shpëtosh drejtesisë si çdo herë me justifikime qesharake…
Deklarata ime e para dy javëve me z. Alibeaj i referohet dhunimit, uzurpimit dhe thyerjes të çdo norme dhe ligji në fuqi duke keqpërdorur foltoren e parlamentit si edhe thirrjes së përsëritur për rikthimin në shinat e ligjshmërisë, pasi të kishte zgjidhur hallin e madh që ju kishte zënë për të treguar se kush është kryetari…
Sikleti që të ka rënë, nuk do të thotë se duhet të mashtrosh pa teklif e më pak të përfshish në farsën që ke ngritur tërë këto vite për të justifikuar humbjet, familjarët e mi apo Partinë Socialiste...
Lider nuk munde të bëhesh, por nëse të ka mbetur edhe pak dinjitet, bëhu burrë dhe përballu me drejtësinë.
