"Nuk e ndihmoj më Berishën", Basha: Suel Çela dhe Agron Kuliçi kanë kërcënuar demokratët mos marrin pjesë në Këshillin Kombëtar
Nga OraNews Përditësimi i fundit 13 Dhjetor 2021, 17:56
Në deklaratën publike për mediet, Basha tha se Sali Berisha është i vetmi person që e ka frikë Kuvendin e thirrur më 18 dhjetor në Pallatin e Kongreseve.
Basha u shpreh se kanë kërcënuar dhe u kanë bërë presion demokratëve që të mos marrin pjesë në Këshillin Kombëtar të mbajtur dje, më 12 dhjetor.
Më tej, Basha tha se hallin që ka Berisha me SHBA-në nuk do ta marrë përsipër PD-ja.
Basha: Ku e gjejnë guximin të kërcënojnë. Ku e gjen Agron Kuliçi ta bëjë këtë. E të tjerë horra e banditë. Ku e gjen guximin Suel Çela? Nëse na ka bërë një nder Berisha është se i ka marrë me vete dhe na ka pastruar nga këta. I kemi të dokumentuara këto. Këta kanë probleme. Çfarë frike kishte dje që i çonte sms , apo që deklaronte që diktatori i Basha detyron të votojnë kundër.
Ai e di që është pakicë absolute. Është i vetëm dhe është i vetmi njeri që ka frikë nga 18 dhjetori. Është paguar gjithë ky proces me para të dyshimta. Kur u bë arena e hajnisë në arena e lirisë. Kush i tha arena e hajnisë unë apo Saliu. Sigurisht unë e kam denoncuar. E dini ju sa kushtonte e gjithë ajo regjizurë. Ai e di mirë që shumica e demokratëve kanë qëndruar të heshtur.
Ne duhet t’i tregojmë shqiptarëve që jemi të gatshëm, të pastruar nga barra e së shkuarës, e zyrtarëve të korruptuar. E di se shumica është me PD dhe jo me organizatën e tij anti-amerikane. Hallin e tij me SHBA nuk do ta marrë përsipër PD. Ai nuk di ç’të bëjë. Nuk e ndihmoj më dot dhe t’ju them edhe një gjë tjetër as nuk dua të ndihmoj më.
