Tiranë/ Zjarr në një banesë në "Astir", humb jetën nga asfiksia 69-vjeçarja
Nga OraNews Përditësimi i fundit 31 Tetor 2021, 13:54
Një banesë në rrugën “Loni Ligori” në Astir, kryeqytet dyshohet se është përfshirë nga flakët mesditën e sotme, 31 tetor.
Si pasojë e flakëve, shtetasja Lumturi Zaimi, që jetonte e vetme, ka humbur jetën.
Nga informacionet paraprake mësohet se policia dhe zjarrfikësja janë njoftuar nga e bija e viktimës.
69-vjeçarja, Lumturi Zaimi është gjetur në banesë pa shenja jete nga vajza e saj.
Në momentin kur ka mbërritur zjarrfikësja nuk ka konstatuar flakë dhe dyshimet e para janë se ka ndërruar jetë nga asfiksia.
Shkak dyshohet se ka qenë një dyshek me korrent që përdoret për ngrohje.
Trupi i pajetë do të transportohet drejt morgut për ekspertizë mjeko-ligjore me qëllim përcaktimin e shkakut të vdekjes.
Grupi hetimor nën drejtimin e Prokurorisë vijon punën për sqarimin e plotë e rrethanave të ngjarjes.
