“S’respektohet votuesi”, Açka e irrituar: Unë kam turp nga qeveria ime
Nga OraNews Përditësimi i fundit 28 Tetor 2021, 19:27
Deputetja e PD, Flutura Açka shprehet se ka turp nga qeveria që drejton vendin tonë.
Në një postim që ka bërë në rrjetet sociale, deputetja krahas fotos së Kuvendit nga disa e sotme ku po votohej për Eurobondin, thotë se qeveria nuk ka respekt për votuesin duke qenë se asnjë nga kabineti i Ramës nuk është paraqitur në Parlament.
Më tej shton se një qeveri që vjen në pushtet me vota të vjedhura nuk ka respekt as për votuesin.
Postimi i plotë:
Qeveria live në Parlament… duke dëgjuar vërejtjet për Eurobondin, për blerjen e energjisë, për buxhetin rrush e kumbulla 2020.
Po te kishte ardhur me vota të vetat, do të kishte pasur respekt për votuesin.
Me votat e vjedhura, sigurisht që nuk e ka.
Unë kam turp nga qeveria ime! Po ti?
Açka në fjalën e saj që ka mbajtur ditën e sotme në Kuvend ka renditur, të gjitha problematikat që hasin shqiptarët. Ajo tha se qytetarët vuajnë nga mungesa e legalizimeve, shkollave, rrugë e vendeve të punës.
