Pas një jave të ngjeshur pune, ambasadori Soreca merr ambasadorin gjerman e ngjiten në mal

Nga OraNews Përditësimi i fundit 25 Tetor 2021, 10:46

Ishte një javë e ngjeshur kjo që sapo lamë pas për ambasadorin e BE-së Luigi Soreca. Më 19 tetor Komisioni Europian publikoi progres raportin për Shqipërinë. Ambasadori i BE-së u dorëzoi institucioneve një kopje të këtij raporti duke lënë pas edhe detyrat që dalin nga ky raport.

E pas kësaj jave të ngjeshur duhet një fundjavë plot energji. 

E ku ka më mirë se ti ngjitesh malit. Madje këtë fundjavë ambasadori Soreca ka ftuar në aventurën e tij edhe ambasadorin gjerman Peter Zingraf.

Nëpërmjet një postimi në Twitter, ambasadori i BE-së thotë se për fundjavë ngjiti në këmbë majën e Gamtit bashkë me mikun e tij, ambasadorin gjerman në Shqipëri, Peter Zingraf.

Pas një jave të ngjeshur pune, ambasadori Soreca merr ambasadorin

Soreca thotë se ecja në malet e Shqipërisë është mënyra më e mirë për tu karikuar në energji pas një jave intensive pune.

Pas një jave të ngjeshur pune, ambasadori Soreca merr ambasadorin

"Ecja në malet e Shqipërisë është mënyra më e mirë për të rimbushur bateritë pas një jave intensive pune. Do të vazhdojmë të zbulojmë bukuritë e Shqipërisë. Sot së bashku me mikun tim Amb. Peter Zingraf u ngjitëm në malin Gamti, 1266 m të lartë. Pamje nga liqeni i Bovillës", shkruan Soreca në Twitter. 

Pas një jave të ngjeshur pune, ambasadori Soreca merr ambasadorin