Rama: Nder dhe krenari që gjendem këtu, Egjipti mirëpriti shumë shqiptarë emigrantë
Nga OraNews Përditësimi i fundit 23 Tetor 2021, 16:41
nga Shkodra, pa harruar Korçën dhe e bëri me të njëjtën hapësi me të cilën priti italianët,
Kryeministri i vendit, Edi Rama, ka zhvilluar ditën e sotme një konferencë të përbashkët me kryeministrin e Republikës arabe të Egjiptit, Mostafa Madbouly.
Rama tha se është shumë krenar që ndodhet në Egjipt për të folur për një rrënjë të rëndësishme të miqësisë së dy vendeve.
Ai u shpreh se Egjipti prishi shumë emigrantë nga Shqipëria, konkretisht nga Shkodra, pa harruar Korçën dhe e bëri me të njëjtën hapësi me të cilën priti italianët.
Rama: Është një nder dhe e marr me krenari të gjendem këtu dhe të flas për këtë rrënjë të miqësisë sonë të gjatë. Nuk dua të flas për të shkuarën apo shtigjet që Muhamet Ali hapi, por do të thoja pak fjalë për pjesën tjetër që për shkak të figurës së tij që ishte imponuese, ndonjëherë ka mbetur pak në hije. Rrethuar nga gjeneralë e komandantë Muhamed Ali i kushtoi një rrugë të tërë punonjësve shqiptarë. Egjipti mirëpriti shumë shqiptarë, emigrantë nga Shkodra, pa harruar Korçën dhe e bëri me të njëjtën hapësi me të cilën priti italianët, grekët apo francezët. Më duhet të them se shqiptarët qoftë të mysliman apo të krishterë ishin administratorë apo edhe doktorë. Kujtoj dr. Mihal Turtulli, i krishterë. Unë jam krenar të them që shqiptarët dhanë kontributin e tyre dhe dhanë shumë për këtë vend.
Në këtë takime janë nënshkruar edhe disa marrëveshje.
Marrëveshjet e nënshkruara:
Memorandum mirëkuptimi mbi bashkëpunimin në fushën e muzeve ndërmjet Muzeut Historik Kombëtar të Republikës së Shqipërisë dhe Këshilli i lartë i Antikiteteve i Republikës Arabe të Egjiptit
Program ekzekutiv mbi bashkëpunimin kulturor midis Ministrisë së Kulturës së Republikës së Shqipërisë dhe Ministrisë së Kulturës së Republikës Arabe të Egjiptit
Protokoll bashkëpunimi ndërmjet panairit të librit në Tiranë dhe Organizatës së përgjithshme të librit egjiptian.
