Tiranë, kapen me kanabis e kokainë, arrestohen 12 person, 3 të tjerë nënë hetim
Nga OraNews Përditësimi i fundit 23 Tetor 2021, 16:21
Policia e Tiranës ka arrestuar 12 persona ndërsa nën hetim janë vendosur 3 të tjerë për vepra të ndryshme penale.
Në pranga janë vendosur një 49-vjeçar dhe një 41-vjeçar pasi përdornin lokalin në pronësi të 49-vjeçarit për konsumim të lëndëve narkotike.
Po ashtu janë arrestuar disa të rinj nga uniformat blu pasi gjatë kontrollit fizik të tyre, u janë gjetur lëndë narkotike.
“Nga specialistët për Hetimin e Narkotikëve u bë ekzekutimi i vendimit për shtetasin në kërkim E. Ç, 39 vjeç, pasi Gjykata e Shkallës Parë Tiranë, e ka dënuar përfundimisht me formën e prerë, me 9 muaj burgim, për veprën penale “Largimi i të burgosurit nga vendi i qëndrimit”. Po nga specialistët për Hetimin e Narkotikëve u bë arrestimi në flagrancë i shtetasve: B, 49 vjeç dhe B. B, 41 vjeç, pasi shtetasi G. B, përdorte lokalin e tij për konsumin e lëndëve narkotike të llojit kokainë. Në vijim të veprimeve gjatë kontrollit fizik të shtetasit B. B(i konstatuar brenda në lokal) iu gjet dhe iu sekuestrua një sasi me lëndë narkotike kokainë. Gjithashtu, u proceduan në gjendje të lirë 3 shtetas(klient të lokalit); Zh, 25 vjeç, pasi gjatë kontrollit fizik nga shërbimet e Komisariatit të Policisë Nr.3, iu gjet dhe iu sekuestrua një sasi me lëndë narkotike kanabis dhe një armë e ftohtë; Ll, 21 vjeç, pasi gjatë kontrollit të ushtruar ndaj mjetit me të cilin ky shtetas qarkullonte, Forca e Posaçme “Shqiponjat” gjetën dhe sekuestruan një sasi me lëndë narkotike kanabis.” – njofton policia.
Po ashtu, u arrestuan në flagrancë të shtetasit F. K, 46 vjeç, pasi në Rrugën e Dajtit, u kap duke transportuar 13 m3 lëndë drusore, të dyshuara të prera në mënyrë të paligjshme.
U kap shtetasi në kërkim R. Gj, 33 vjeç, pasi Gjykata e Rrethit Gjyqësor Elbasan ka vendosur masën e sigurisë “Arrest me burg”, për veprën penale “Kultivimi i bimëve narkotike” kryer në bashkëpunim. Iu kalua DVP Elbasan, për veprime te mëtejshme.
U bë arrestimin në flagrancë të shtetasve I. Xh, 25 vjeç dhe V. Xh, 30 vjeç, pasi nga kontrolli fizik i ushtruar, iu gjetën dhe iu sekuestruan një sasi me lëndë narkotike kanabis.
Nga specialistët e Qarkullimit Rrugor u bë arrestimi në flagrancë i shtetasve: A. Sh, 44 vjeç dhe K. L, 26 vjeç, pasi u kapën duke drejtuar mjetet përkatëse në gjendje të dehur;
L, 48 vjeç, pasi duke drejtuar mjetin në gjendje të dehur, ka humbur kontrollin e tij dhe është përplasur me derën e një subjekti.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
