Sa është buxheti për blerjen e satelitëve? Si përgjigjet ministrja Ibrahimaj
Nga OraNews Përditësimi i fundit 22 Tetor 2021, 17:55
Qeveria ka miratuar në mbledhjen e sotme të Këshillit të Ministrave projektbuxhetin e vitit 2022. Ministrja e Ekonomisë dhe Financave Delina Ibrahimaj ka bërë një pasqyrë të buxhetit të viti 2022 të prezantuar sot nga kabineti i ministrave pas mbledhjes së qeverisë.
Ajo u shpreh se Shqipëria ka pasur rritjen më të madhe ekonomike në rajon.
Ibrahimaj: Reformat e ndërmarra janë duke dhënë frytet e veta. Ekonomia shqiptare gjatë këtij viti është rritur me një normë më të lartë se gjithë rajoni. Në 3-mujorin e parë u rritëm me 5.5 %, ndërkohë që 3-mujorin e dytë u rritëm me 18%.
Projekt buxheti parashikon një rritje të shpenzimeve qeveritare në të gjithë sektorët kryesorë; shëndetësi, arsim, kulturë, bujqësi, infrastrukturë. Të gjitha rritjet do të përcillen me një rritje ekonomike me 4%.
A do ketë rritje të pensioneve dhe bonus në fund të vitit për pensionistët?
Ibrahimaj: Prej vitesh bonusi i pensioneve në fund të vitit është bërë një rregull. Nga viti i ardhshëm ky d o të jetë një zë buxhetor më vete, i planifikuar në buxhetin e vitit 2022 dhe në vazhdim. Çdo vit parashikohet si rritje e pensioneve me indeksimin e inflacionit, gjithashtu do të jetë dhe bonusi i përvitshëm i cili nuk ka asnjë pikëpyetje. Buxheti nuk parashikon rritje të taksave.
Sa do të jetë buxheti i alokuar për blerjen e satelitëve?
Ibrahimaj: Të gjitha detajet mbi buxhetet e alokuara do të bëhen publike gjatë javës në vijim në deklarata të ndryshme të detajuara për çdo sektor.
