“Në kufijtë pa fund të artit pamor”, Liliana Çiko çel ekspozitën e saj në Muzeun Historik Kombëtar
Nga Enxhi Musaj Përditësimi i fundit 17 Tetor 2021, 17:07
Në muzeun historiK kombëtar në Tiranë është çelur ekspozita “Në kufijtë pa fund të artit pamor” të punuar nga Lilijana Çiko. Pjesa më e madhe e punimeve të artistes qëndron gruaja e cila i mbijeton në mënyrë decizive jo vetëm artit modern, por artit në përgjithësi. Në punimet e saj edhe tek nudot ajo pikturon figurën e bëshme, impresive, në lëvizje dhe me gjeste emocionale të gruas së ulur.
Dramacitetin e jetës së saj artistja LilIana Çiko e ka kthyer në forcë.
Në muzeun historik Kombëtar në Tiranë, Lili, siç e thërrasin miqtë e saj, vjen me mbi 30 piktura e disa skulptura.
Gruaja ku trupëzon edhe veten është epiqendra dhe subjekti i punimeve të saj.
E rrethuar nga shumë dashuri e buqeta lulesh, me sytë e përlotur nga gëzimi, Liljana tregon për pasionin e madh me të cilat sfidoi gjithë vështirësitë.
Lili, thotë skulptorja Zana Varvarica, i ka dhënë vend kompozicional njollave me të cilat krijon sipërfaqe harmonike, ku dominon e kuqja, e verdha, dhe bluja.
Piktura tejkalon nga një art realist në një art modern.
Pjesa më e madhe e punimeve të Liliana Çikos qëndron gruaja, e cila i mbijeton në mënyrë decizive jo vetëm artit modern, por artit në përgjithësi.
Në punimet e saj edhe tek nudot ajo pikturon figurën e bëshme, impresive, në lëvizje dhe me gjeste emocionale të gruas së ulur.
