Oda Dibrane, mbahet në Peshkopi festivali që bëri bashkë 14 grupe nga të gjitha trevat shqipfolëse
Nga OraNews Përditësimi i fundit 10 Tetor 2021, 14:50
"Kjo skene është kthyer tashmë në një orakull për këngët, për vallet, për ritet, alegoritë të cilat i shkojnë për shtat vetëm dibranit."
Muzika vendase mbizotëroi në edicionin e 27-të të Odës Dibrane.
Këngët e vallet me instrumente tradicionale, shoqëruan pjesëmarrësit për dy ditë me radhë.
Por, në mes të Dibrës, nuk u dëgjuan vetëm këngë dibrane. 14 grupe nga të gjitha trevat shqipfolëse, i dhanë ngjyra këtij festivali.
Nikoqirët, u shprehën të lumtur që bënë bashkë zërat nga shumë treva.
"Ata sollën copëza nga traditat e tyre, sollën këngë burimore, valle dhe sidomos kostume shumë të bukura."
Përmes këtij festivali, duan që të mbrojnë, tregojnë e promovojnë vlerat kulturore e artistike të Shqipërisë.
"Të quhemi ata njerëz të cilët vërtet mbrojnë, përpiqen të kultivojnë dhe përpiqen ta gjejnë, ta kërkojnë dhe të risjellin përsëri këto vlera të kombit tonë."
/OraNews/
