Ulsi Manja takon drejtorët e burgjeve: Vigjilencë maksimale për gjithçka ndodh në institucionet e vuajtjes së dënimi
Nga OraNews Përditësimi i fundit 12 Tetor 2021, 19:41
Ministri i Drejtësisë, Ulsi Manja ditën e sotme ka zhvilluar një takim me drejtuesit e Institucioneve të Ekzekutimit të Vendimeve Penale dhe të Policisë së Burgjeve.
Mësohet se temë e diskutimit ishin sfidat dhe problematikat në sektorin e burgjeve.
Ministri Manja gjatë takimit ka kërkuar vigjilencë maksimale për gjithçka që ndodh në institucionet e vuajtjes së dënimit.
Manja: "Kërkoj me këmbëngulje vigjilencë maksimale për gjithçka ndodh në institucionet e vuajtjes së dënimit.
Është detyrim që të realizohen puna me integritet dhe bashkëpunim të ndërsjellë, si administrativ dhe policor, si të vetmen rrugë për të realizuar detyrën."
Ndërkaq, u theksua se janë marrë të gjitha masat për të pasur infrastrukturën e nevojshme për të dënuarit dhe ofruesit e shërbimeve.
Manja: "Të gjitha masat janë marr për të pasur infrastrukturën e nevojshme për të dënuarit dhe ofruesit e shërbimeve. Këto detyra janë një përgjegjësi përpara ligjit dhe së drejtës."/OraNews/
