Tre shkencëtarët fitojnë Çmimin Nobel të Fizikës
Nga OraNews Përditësimi i fundit 5 Tetor 2021, 12:06
Syukuro Manabe, Klaus Hasselmann dhe Giorgio Parisi janë shpallur fitues të Çmimit Nobel në Fizikë.
Çmimi u dha për "kontributin e tyre pionier në kuptimin e sistemeve komplekse natyrore".
Fituesit u shpallën sot nga Goran Hansson, sekretar i përgjithshëm i Akademisë Mbretërore Suedeze të Shkencave.
Komiteti tha se shkencëtarët Manabe dhe Hasselmann "vendosën bazat e njohurive tona për klimën e Tokës dhe sesi njerëzimi ndikon në të".
Ndërsa puna studimore e shkencetarit Parisi bëri të mundur "kuptimin dhe përshkrimin e shumë fenomeneve që gjejnë zbatim jo vetëm në fizikë por edhe në fusha tjera siç është matematika, biologjia, neuroshkenca dhe inteligjenca artificiale".
Vitin e kaluar, çmimi shkoi për amerikanin Andrea Ghez, Roger Penrose nga Britania he Reinhard Genzel nga Gjermania për hulumtimin e tyre shkencore.
Të hënën, Komiteti Nobel u dha çmimin në fiziologji ose mjekësi amerikanëve David Julius dhe Ardem Patapoutian për zbulimet e tyre se si trupi i njeriut e percepton temperaturën dhe prekjen.
Gjatë ditëve të ardhshme çmimet do të jepen gjithashtu për punën e shquar në fushat e kimisë, letërsisë, paqes dhe ekonomisë./Ora News/
