Ndërron jetë shqiptari që u qëllua me 4 plumba në Greqi
Nga OraNews Përditësimi i fundit 4 Tetor 2021, 08:08
Ndërroi jetë në spital shqiptari, që u qëllua pasditen e së dielës (3 tetor) në mes të Athinës.
Viktima që qëllua me katër plumba në kokë dhe në bark, u transportua në gjendje të rëndë, në Spitalin Evangelismos por nuk arriti ti mbijetojë plagëve të rënda.
Shqiptari, identiteti i të cilit nuk bëhet i ditur, ndodhej brenda në bar kur një person ende i paidentifikuar është afruar dhe e ka qëlluar në kokë dhe në zonën e barkut.
Sipas medieve greke Agios Panteleimon është një zonë që kontrollohet nga bandat.
Zona pas incidentit u rrethua nga forca të forta policie, me autoritetet në kërkim të provave që do të çojnë në identifikimin e autorëve për zbulimin e të cilëve janë vënë në ndjekje./Ora News/
