Raundi i parë i Kupës së Shqipërisë dhuron surpriza, humbasin Vllaznia e Dinamo

Nga OraNews Përditësimi i fundit 22 Shtator 2021, 18:03

U luajtën sot ndeshjet e vajtjes në raundin e parë të Kupës së Shqipërisë dhe surprizat nuk munguan.

Në letër ndeshje të lehta për ekipet e Superiores por që në fakt nuk rezultuan të tilla.

Kukësi ishte i angazhuar në fushën e Maliqit në ndeshjen e parë ku nuk shkoi më shumë se një barazim pa gola teksa surprizën e madhe e bëri ekipi modest Labëria FC që mundi Vllazninë në ndeshjen e parë 2-1. Shkodranët kaluan të parët në avantazh por vendasit bënë ndeshjen e jetës duke shënuar 2 herë në këtë duel.

Një tjetër klub italian ndryshon pronar dhe shitet në një fond amerikan
22 Shtator, 17:28

Edhe Dinamo u mund në takimin e parë të raundit të parë në Shijak përballë Erzenit ndërsa Teuta dominoi 4-1 ekipin Luzi 2008 në fushën e këtyre të fundit.

Ndërkohë që Tirana nuk e diskutoi fitoren 3-0 në fushën e Shkumbinit teksa edhe Partizani triumfoi 3-0 në transfertën me Tërbunin, shkruan Ora News.

Më poshtë edhe rezultatet e takimeve të para të raundit të parë të Kupës së Shqipërisë:

Erzeni Shijak 1-0 (0-0) Dinamo Tirana

FK Vora 2-1 (0-0) Korabi

Flamurtari Vlore 1-1 (0-0) Apolonia Fier

KF Luzi 2008 1-4 (1-2) Teuta

KF Maliqi 0-0 (0-0) FK Kukesi

KF Oriku 1-2 (1-1) Bylis Ballsh

Labëria FC 2-1 (1-1) Vllaznia

Shkumbini 0-3 (0-2) KF Tirana

Tërbuni Pukë 0-3 (0-3) Partizani Tirana

Turbina Cërrik 1-1 (1-0) Egnatia Rrogozhinë