Punime me shtiza dhe qëndisje, hapet ekspozita e artizanatit në Korçë
Nga OraNews Përditësimi i fundit 18 Shtator 2021, 16:02
Ndërthurja e të kaluarës me të tashmen vjen me shumëllojshmëri punimesh dore ku zonjat korçare vijojnë të ruajnë traditën dhe kulturën shekullore.
Me qëllim promovimin dhe ruajtjen e traditës, në Bibliotekën “Thimi Mitko" në Korçë, është hapur gjatë fundjavës një ekspozitë mjaft e veçantë.
Natsha Çapa ka shpalosur ekspozitën e saj, punimet e së cilës janë me shtiza, e thurje, ndërsa i ka bërë për një periudhë 5 vjeçare.
“Këto të gjitha janë funksionale, për shembull të fitojmë me pikturat, janë të qëndisura.”
Jorida Tollkuçi, drejtoresha e Bibliotekës thotë se kjo ekspozitë vjen në kuadër të muajit të trashëgimisë kulturore dhe synon promovimin e mëtejshëm të artizanatit.
“Kjo ekspozitë organizohet në kuadër të promovimit të vlerave, trashëgimisë kulturore, por edhe për të theksuar rëndësinë e rolit të gruas në trashëgiminë kulturore, në ruajtjen e traditave. “- shprehet ajo.
Korça mbetet një prej zonave ku artizanati ruhet brez pas brezi dhe ku zonjat korçare po përpiqen ta promovojnë çdo ditë e më tepër./ Ora News/
