Rikthehet festa pas 54 vitesh/ Festival agroushqimor në Manastirin e Ardenicës në Lushnje
Nga OraNews Përditësimi i fundit 8 Shtator 2021, 17:29
Në Manastirin e Ardenicës në Lushnje u rikthye pas 54 vitesh festa që bën bashkë fermerët e zonës, ku ata promovojnë produktet e tyre. Pjesëmarrësit u ndanë të kënaqur me rikthimin e kësaj feste, ndërsa autoritetet lokale premtojnë që të ruajnë traditën e fshirë që nga regjimi komunist.
Për herë të fundit ata u mblodhën në vitin 1967.
Për 54 vite Manastiri i Ardenicës u braktis nga banorët e zonës të cilët e humbën këtë traditë, jo me dëshirë por me detyrim nga regjimi diktatorial.
Harenë e dikurshme e risollën këtë të mërkurë. Mes këngësh e vallesh, qindra fermerë të zonës promovuan produktet e tyre lokale.
Pjesëmarrësit u shprehen të kënaqur se pas 5 dekadash kjo festë rikthehet në zonë ne tyre.
“Për kujtesë, isha shumë i ri në atë kohë dhe mbaj mend që në këtë vend grumbulloheshin tregtarëtnga Korça nga Leskoviku, e tërë rrethinat.”- u shpreh një pjesmarrës.
Edhe fermerët e duan këtë event duke e parë si mundësi për treg.
“Vera është e shtëpisë, janë gatime që njerëzit i njohin. Janë gatime të shijshme të zonës sonë.”
Kryebashkiakja e Lushnjes Eriselda Sefa premton vazhdimësinë e kësaj feste.
“Ftuam të gjithë bizneset dhe fermerët, gra të cilat merren me punët e dorës, të ishin pjesë e saj. Kjo inciativë e nisur për herë të parë. Do vendosim në kalendarin e festave lokale të Lushnjes."
Kremtimet në Manastirin e Ardenicës nisen në mesin e shekullit të XIX për të përkujtuar lindjen e Shën Mërisë, po u mbyllen në vitin 1967 me ndalimin e fesë
