Arti "del" nga karantina

Nga Besmira Pelushaj Përditësimi i fundit 13 Shtator 2021, 14:28

Pas 77 ditësh të mbyllura për shkak të kufizimeve të koronavirusit, Mikelanxhelo, Rafael dhe thesare të tjera të Galerive “Uffizi” u rihapën për publikun me një bujë të madhe. Kryetari i Firences ishte ndër të pranishmit kur dyert e rënda prej druri u hapën pas mbylljes më të gjatë të muzeut që nga Lufta e Dytë Botërore.

"Është vërtet koha për t'u rihapur, për t'i dhënë qasje të drejtpërdrejtë këtyre veprave të mëdha të artit që i përkasin ligjërisht çdo italiani - dhe që në mënyrë ideale i përkasin njerëzimit," tha regjisori Eike Schmidt.

Ndër vizitorët e parë që prisnin me padurim të hynin brenda ishte 28-vjeçari William, një irlandez që jetonte në Firence.

"Të dalësh dhe të pushosh dhe të shohësh pikturat, dhe të marrësh frymëzim – të bën të ndihesh mirë. Shpëton nga stresi i të qenit i mbyllur në apartament për muaj me radhë,” tha ai.

Për të gjithë ata që nuk mund t'i vizitojnë, kryeveprat e Uffizit mund të shihen në internet. Megjithatë, Uffizi është akoma larg nga kthimi në normalitet, duke u hapur vetëm nga e marta në të premte tani për tani dhe me një numër të reduktuar të vizitorëve, të cilëve u kërkohet të prenotojnë paraprakisht.

Viti i kaluar ka qenë i vështirë për muzetë në të gjithë Evropën, të detyruar të mbyllen gjatë bllokimeve kombëtare në fillim të vitit 2020.