U rrëzua në ring, talentja e boksit 18-vjeçare vdes pas goditjeve të rënda në kokë
Nga OraNews Përditësimi i fundit 3 Shtator 2021, 16:48
Bota e boksit është në zi. Jeanette Zacharias Zapata, e cila ishte vetëm 18 vjeç, vdiq pesë ditë pas një përleshjeje.
Meksikanja ndërroi jetë të enjten nga dëmtimet serioze në kokë që pësoi të shtunën në mbrëmje në një duel kundër Marie-Pier Houle, 31 vjeçe, nga Kanadaja në Stade IGA në Montreal.
Kjo u njoftua nga organizatori Yvon Michel.
Mjekët luftuan për të shpëtuar në spital, por ishte e pamundur për shkak të plagëve shumë të rënda.
Zapata u rrëzua në raundin e katërt të luftës së saj me Marie-Pier Houle në Montreal të shtunën, dhe u dërgua me urgjencë në spital në gjendje kritike.
