Racizmi ndaj Anglisë nga hungarezët, Boris Johnson: E papranueshme, të dënohen
Nga OraNews Përditësimi i fundit 3 Shtator 2021, 12:56
Ndeshja Hungari-Angli u luajt në një ambient shumë të nxehtë në “Puskas Arena” dhe gjërat nuk shkuan aspak mirë pasi sjellja e tifozëve vendas ishte katastrofike. Ndeshja e Grupit I, ku është edhe Shqipëria pati probleme nga ultrasit të cilët për një kohë të gjatë kënduan kore raciste ndaj Sterling dhe Bellingham ndërsa u hodhën edhe objekte në fushë. Gjithçka është kapur nga kamerat dhe tani FIFA po heton por reagimet kanë qenë shumë të ashpra.
Situata ishte aq e papranueshme sa që edhe kryeministri anglez, Boris Johnson ka reaguar ashpër duke kërkuar reagimin e fortë nga qeveria e futbollit botëror.
“Është krejtësisht e papranueshme që lojtarët e Anglisë të pësojnë abuzime raciste në ndeshjen e mbrëmshme në Hungari. Unë i bëj thirrje FIFA-s të marrë masa kundër atyre që janë përgjegjës në mënyrë që kjo sjellje e turpshme të fshihet përgjithmonë nga loja”.
It is completely unacceptable that @England players were racially abused in Hungary last night.
— Boris Johnson (@BorisJohnson) September 3, 2021
I urge @FIFAcom to take strong action against those responsible to ensure that this kind of disgraceful behaviour is eradicated from the game for good.
Një reagim i fortë që kërkon ndëshkim për Hungarinë që në fakt kjo e fundit ishte pezulluar edhe nga UEFA për problemet që shkaktuan tifozët vendas gjatë Kampionatit Europian dhe ka të ngjarë që Hungaria të dënohet dhe ky vendim të prekë edhe sfidën e ardhshme të Shqipërisë në transfertën e tyre.
