Vapa po ikën me gushtin, ulen temperaturat, rikthehen reshjet
Nga OraNews Përditësimi i fundit 25 Gusht 2021, 08:13
Pas vapës së zgjatur të gushtit, rikthehen shirat. Sipas MeteoAlb, pjesa e parë e ditës do të paraqitet me kthjellime dhe vranësira kalimtare.
Por pjesa e dytë e ditës do të sjelli një sistem me vranësira fillimisht në zonat veriore dhe pjesërisht ato qëndrore duke gjeneruar shira afatshkurtër, të cilët herë pas herë do jenë dhe në formë rrebeshi.
Orët e natës paraqiten me kthjellime dhe vranësira kalimtare.
Temperaturat e ajrit ulen lehtë me 2 gradë në mëngjes dhe mesditë duke luhatur vlerat ditore nga 15°C mëngjesi deri në 33°C mesdita.
Era do fryjë mesatare me shpejtësi deri 35-40 km/h, nga drejtimi Veriperëndimor ndërsa në det të hapur krijohet dallgëzim mbi 3 ballë.
