Gjirokastër/ Vatër e re zjarri në Zhulat, e pamundur ndërhyrja e zjarrfikësve për shkak të terrenit
Nga OraNews Përditësimi i fundit 24 Gusht 2021, 15:38
Një vatër zjarri ka shpërthyer në fshatin Zhulat, Njësia Administrative Cepo-Bashkia Gjirokastër.
Burime për Ora News, bëjnë me dije se vatra e zjarrit ka filluar të bëhet aktive në vendin e quajtur Hone.
Mësohet se njësitë e PMNZH kanë mbërritur në vendngjarje, dhe po bëjnë të mundur neutralizimin e flakëve.
Përveç kësaj, janë angazhuar edhe banorët e fshatit në pamundësi të hyrjes së mjeteve të zjarrfikëses për shkak të terrenit të pafavorshëm.
Në vendngjarje kanë shkuar edhe punonjës të Bashkisë Gjirokastër sektori i Pyje-Kullotave dhe Agjencisë së Shërbimeve, të cilët po ndihmojnë për shuarjen e zjarrit.
