Lushnje/ Zjarr në Dushk, rrezikohen banesat, zjarrfikësit neutralizojnë flakët
Nga OraNews Përditësimi i fundit 23 Gusht 2021, 19:42
Një zjarr i madh rënë pasditen e sotme në fshatin Dushk në Lushnje.
Si pasojë e zjarrit janë rrezikuar banesat, ndërkohë banorët kanë shkëputur menjëherë energjinë elektrike dhe kanë njoftuar zjarrfikësit.
Këto të fundit kanë arritur në kohë duke bërë të mundur neutralizimin e flakëve dhe duke parandaluar përhapjen e tij drejt banesave.
Ora News, mëson se vendosja e ushqimit të bagëtive pranë banesave përbën vazhdimisht rrezik, pasi është një nga shkaqet e rënies së zjarrit.
Kujtojmë se në këtë fshat një muaj më parë një zjarr që ra një stallë bagëtish, dogji ushqimin e bagëtive dhe katër lopë.
Megjithë apelin nga autoritetet që rezervat e barit të thatë të jenë larg banesave , fermerët vazhdojnë që ata ti vendosin afër tyre.
