Radhë për pasaportat në Elbasan, qytetarët “ngjitur” harrojnë Covid-in
Nga Edisona Skënderi Përditësimi i fundit 23 Gusht 2021, 14:37
Radhët e gjata dhe kaosi mbizotërojnë pranë zyrës ku aplikohet për dokumentet e reja të identitetit në Elbasan.
Qytetarët thonë se qëndrojnë me orë në radhë, ku masat e distancimit social kundër përhapjes së koronavirusit janë harruar!
Më së shumti janë emigrantë që po shfrytëzojnë rikthimin pas kufizimeve të pandemisë për të rinovuar dokumentet.
"Kemi 1 orë këtu, punojnë me 1 sportel, të ishin 2 të paktën"
Drejtori i Gjendjes Civile Behar Tashi, thotë se kjo situatë krijohet për shkak se qytetarët I drejtohen zyrave thuajse në një orar.
"Piku është në 08:00 të mëngjesit deri në 11:00, më pas reduktohet numri i aplikantëve. Pasaporta dhe karta e identitetit shkon ërreth 200 aplikime në ditë."
Por veç se për të aplikuar, banorët e Elbasanit përballen me radhë edhe për të tërhequr dokumenet e reja të identitetit edhe pse shërbimi sipas tyre është përmirësuar në krahasim me të shkuarën.
"Para 10 vitësh ka qenë edhr më keq, por vapa është problem."
Fluksi i aplikimeve pritet të vijojë dëri në javën e parë të muajit Shtator, kohë kur fluksi i emigrantëve pritet të përfundojë!
