Pelegrinazhi, Meta uron besimtarët nga Mali i Tomorrit
Nga OraNews Përditësimi i fundit 22 Gusht 2021, 16:03
Presidenti Ilir Meta, ka uruar pelegrinët të cilët ditën e sotme janë bërë pjesë e Pelegrinazhit në Malin e Shenjtë të Tomorrit.
Në një postim që ka bërë në rrjetet sociale, kreu i shtetit i cili shihet në majë të Malit të Tomorrit, i uron gjithë besimtarëve lutje të pranuara, shëndet të mirë, mbarësi e zemra të gëzuara.
"Lutje të pranuara, shëndet të mirë, mbarësi dhe zemra të gëzuara për të gjithë besimtarët dhe pelegrinët në malin e shenjtë të Tomorrit.
Abaz Aliu ju ndihmoftë dhe të keni bekimet e Zotit!"- shkruan Meta.
Festa e Shenjtë e Bektashinjve ka filluar që me datë 18 gusht dhe do të vazhdojë deri më 25 gusht, ndërsa dita e sotme është dita kulminante e këtij Pelegrinazhi
