Kokainë e hashash, grupi i shpërndarësve të lëndëve narkotike drejtohej nga efektivi i RENEA-s

Nga OraNews Përditësimi i fundit 20 Gusht 2021, 20:39

Pesë persona kanë rënë në prangat e policisë gjatë një operacioni antidrogë në kryeqytet të zhvilluar nga SHÇBA. Mes të arrestuarve është edhe efektivi  i forcave speciale RENEA, Rael Luli.

"Në vijim të një procedimi proaktiv nën drejtimin e Prokurorisë së Tiranës dhe me mbeshtetjen e operacionale te DVP Tirane, është finalizuar operacioni për goditjen e një rrjeti të shpërndarjes së kokainës në qytetin e Tiranës, i cili dyshohet se drejtohej nga një punonjës policie i forcave speciale.Aktualisht janë të shoqëruar në kushte flagrance me provat materiale (kokainë dhe hashash) 5 shtetas" thuhet në njoftimin e SHÇBA-së.

Të arrestuarit

- R.L., 27 vjeç, punonjës policie pranë repartit special RENEA;

- J.L., 30 vjeç;

- G.H., 26 vjeç;

- G.S., 27 vjeç;

- E.S., 26 vjeç.

Aktualisht po vazhdojnë kontrollet e banesave të personave të implikuar.

Grupi vepronte kryesisht në zonën e njohur si "Parku i autobusave", Kombinatit, Misto Mame, Yzberisht dhe Qytet te Nxenesve.

Janë sekuestruar lëndë narkotike të dyshuara si kokainë dhe kanabis, para dhe armë.

Operacioni është në vijim e sipër dhe në përfundim të veprimeve do të ketë një njoftim për media nga SHÇBA.