Durrës/ Makina përplaset me patrullën e forcave "Shqiponja", 2 efektivë në spital
Nga OraNews Përditësimi i fundit 13 Gusht 2021, 12:48
Dy punonjës policie janë plagosur në një aksident të ndodhur sot rreth orës 12:10, në lagjen nr.4, Durrës.
Një mjet me drejtues shtetasin Sh. K., është përplasur me motorin në të cilën ishin dy efektivë të patrullës së Forcës së Posaçme "Shqiponja" e cila ishte në shërbim, informoi sot policia e Durrësit.
Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.
Drejtuesi i automjetit po shoqërohet në ambientet e Policisë, për veprime të mëtejshme.
Grupi hetimor po punon për zbardhjen dhe përcaktimin e shkakut të aksidentit.
