AKU sekuestron të gjithë sasinë e akulloreve Mars nga subjektet tregtare në Korçë
Nga Iris Rezhda Përditësimi i fundit 13 Gusht 2021, 11:56
13:48 AKU sekuestron të gjithë sasinë e akulloreve Mars nga subjektet tregtare në qarkun e Korçës
AKU sekuestron të gjithë sasinë e akulloreve Mars nga subjektet tregtare në qarkun e Korçës.
Një gjë e tillë është bërë me dije nga drejtori i AKU se Korçës Adham Papadhami, kur tha se sekuestrimet e para janë bërë tek subjekte të cilët kanë futur këtë akullore ditët e fundit, por sekuestrime janë realizuar edhe në të gjitha subjektet e tjera që kanë pasur gjendje akullore Mars.
Papadhami nuk ka bërë me dije sasinë e sekuestruar por ka thënë vetëm se sasia është e madhe.
Sipas drejtorit të AKU e gjithë sasia e sekuestruar do të rikthehet në vendin e origjinës ndërkohë që drejt drejtorisë qendrore të Autoritetit Kombëtar të Ushqimit janë nisur të gjitha procesverbalet e mbajtura për sekuestron e mallit.
11:56 AKU tërheq nga tregu akullore me lëndë toksike
Autoriteti i Kontrollit të Ushqimeve ka tërhequr nga tregu akullore me lëndë toksike.
Veprimi është ndërmarrë pas alertit që u dha nga BE për përmbajtjen e tyre me element kancerogjenë.
Po kështu janë tërhequr nga tregu edhe çokollata Mars, Buondy, Twix, Snikers.
Një sërë produktesh akullore si akullore dhe bislota, prodhim i markave të njohura ndërkombëtare, si Snickers, Smarties, M&M’s, Lion, Nestlé, Pilpa etj, janë me përmjajtje të Oksidit të etilenit, dhe që disa vende të BE, si Franca, Belgjika, por edhe Serbia e Qipro i kanë hequr nga tregu.
