I shpallur në kërkim ndërkombëtar nga Kanadaja, arrestohet në Morinë 21-vjeçari nga Kosova, rrezikon burgim të përjetshëm
Nga OraNews Përditësimi i fundit 9 Gusht 2021, 15:18
Policia kufitare ka arrestuar në Morinë 21-vjeçarin Artin Korça banues në Gjilan, i shpallur në kërkim ndërkombëtar për veprën penale "Vrasje e shkallës së dytë".
Sipas njoftimit të policisë, "gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga NCB Ottawa, Kanada, pasi Gjykata e Edmonton, Alberta, Kanada ka lëshuar ndaj tij urdhër-arrestin për veprën penale "Vrasje e shkallës së dytë".
Maksimumi i dënimit për këtë vepër penale është burgim i përjetshëm.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Kanadasë.
Njoftimi i policisë:
Morinë, Kukës
Vihet në pranga, me qëllim ekstradimi drejt Kanadasë, një shtetas i shpallur në kërkim ndërkombëtar për veprën penale "Vrasje e shkallës së dytë".
Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
A. K, 21 vjeç, banues në Gjilan, Kosovë.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga NCB Ottawa, Kanada, pasi Gjykata e Edmonton, Alberta, Kanada ka lëshuar ndaj tij urdhër-arrestin për veprën penale "Vrasje e shkallës së dytë".
Maksimumi i dënimit për këtë vepër penale është burgim i përjetshëm.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Kanadasë.
