Ende dy vatra zjarri aktive në Voskopojë, shikoni dëmet që kanë shkaktuar flakët
Nga OraNews Përditësimi i fundit 9 Gusht 2021, 08:19
Mëngjesin e sotëm janë 2 vatra zjarri aktive në njësinë administrative Voskopojë, Bashkia Korçë
Vatra e zjarrit e rënë dje në pyjet me pisha të Krushovës është pothuajse drejt fikjes. Rënia e intestitetit të flakëve ka ardhur edhe si pasojë e temperaturave të ulura gjatë natës.
Në terren janë punonjës, zjarrfikës dhe forca të armatosura që kanë nisur punën që në 05:00 të mëngjesit.
Mëngjesin e sotëm është vetëm një vatër active dhe po vijon puna për fikjen e plotë.
Ende nuk ka informacion për sipërfaqen e djegur por nga pamjet duket një sipërfaqe e konsiderueshme që është djegur.
Ne foto: Zjarri ne Voskopoje
Ndërkohë vatër aktive kemi në fshatin Gjonomadh, Flakët kanë rënë prej ditës së djeshme.
Janë 10 trupa zjarrfikëse të cilat janë duke u përpjekur për të izoluar flakët.
Ministri Niko Peleshi nga Voskopoja deklaroi dje se zjarri duket që është i qëllimshëm.
