Shëngjini sot pas shiut/ Plazhet bosh dhe trafik i rënduar, ka edhe 'guximtarë' që lahen në det

Nga Elvis Hila Përditësimi i fundit 18 Korrik 2021, 13:34

Moti me stuhi shiu që ka përfshirë rajonin e Lezhës që prej mëngjesit të së dielës ka zbrazur dhe bregdetin e Shëngjinit.

Pushuesit kanë nisur të largohen nga kjo zonë turistike, e për rrjedhojë është krijuar trafik i rënduar në rrugën e Shëngjin si dhe në superstradën nga Balldreni në drejtim të Milolit.

Kjo situatë ka krijuar radhë kilometrike automjetesh, ndersa efektivë të policisë rrugore janë vendosur në disa pika për të ndihmuar në lehtësimin e lëvizjes.

Ndërkohë shezlonget janë mbledhur nga bizneset, por nuk mungojnë ata të cilët po sfidojne motin dhe provojnë të lahen në det.