Përfshihet nga flakët makina e të riut në Krujë, djeg edhe kioskën pranë

Nga OraNews Përditësimi i fundit 18 Korrik 2021, 09:07

Një mjet tip 'Golf' është djegur në orët e para të mëngjesit të sotëm në Krujë.

Ngjarja ka ndodhur rreth orës 01:20. Makina mësohet se është në pronësi të një 24-vjeçarit i identifikuar me inicialet S. Sh.

Burime zyrtare nga Policia e Durrësit bëjnë me dije se për shkak të flakëve të makinës, është përfshirë nga zjarri edhe një kioskë që ndodhej aty pranë.

"Më datë 18.07.2021, rreth orës 01:20, në Krujë, ka rënë zjarr dhe është djegur mjeti tip "Golf", në pronësi të shtetasit S. Sh., 24 vjeç, banues në Krujë. Si pasojë e zjarrit ka marë flakë dhe një kioskë që ndodhej në afërsi të mjetit, nga e cila ka vetëm dëme materiale"thuhet në komunikatën për media të policisë.

Grupi hetimor vijon punën për zbardhjen e ngjarjes dhe përcaktimin e shkakut të zjarrit", shkruhet në njoftimin e policisë.