Vajza e Bashkim Finos merr postin e rëndësishëm në qeveri

Nga OraNews Përditësimi i fundit 30 Qershor 2021, 20:06

Megi Fino, vajza e ish-deputetit Bashkim Fino emërohet zëvendës ministre për Evropën dhe Punët e Jashtme.

Vendimi për emërimin është marrë ditën e sotme në mbledhjen e Këshillit të ministrave.

Megi Fino u shfaq për herë të parë në radhët e socialistëve në kongresin e Partisë Socialiste ku mbajti një fjalim të ndjerë për të atin. Bashkim Fino, u nda nga jeta disa muaj më parë pasi humbi betejën me Covid.

VENDIMI

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Megi Fino emërohet zëvendësministër për Evropën dhe Punët e Jashtme.

Ky vendim hyn në fuqi menjëherë.