"Diku një çantë, më tej një lodër e thyer", gjithçka që ka mbetur në vendin e aksidentit të frikshëm
Nga Edi Ruçi Përditësimi i fundit 26 Qershor 2021, 10:55
Po çfarë ka mbetur nga aksidenti i djeshëm një ditë më parë?
Ende në vendngjarje janë gjurmët e frenimit të frikshëm të makinave i cili ka lënë shenjat e tij në autostradë.
Në disa pjesë të autostradës ende gjen sende të familjes që u shua, diku një çantë, një palë pantallona, një lodër e thyer.
Tek vendi ku u rrëzua "Audi A8" çdo gjë duket e rrafshuar, madje edhe bari, ndërsa shtylla e dëmtuar është zëvendësuar.
Nga aksidenti tragjik i ndodhur ditën e djeshme në autostradën Fier-Levan humbën jetën 4 anëtarët e familjes Gushi, bashkëshortët dhe 2 vajzat e mitura dhe mbetën të plagosur 3 të rinjtë që udhëtonin me Audin.
Ditën e sotme, 26 qershor familja Gushi u përcoll për në banesën e fundit.
