Lojërat Olimpike do të zhvillohen me tifozë
Nga OraNews Përditësimi i fundit 21 Qershor 2021, 18:38
Pavarësisht paralajmërimeve të autoriteteve shëndetësore për rrezikun e përhapjes së koronavirusit gjatë zhvillimit të Lojërave Olimpike 2020, ato do të zhvillohen me praninë e tifozëve.
Lajmi është konformiuar nga presidentja e komitetit organizues të Lojërave, japonezja Seiko Hashimoto, e cila tha se do të lejohen deri në 10 000 tifozë japonezë.
Sipas saj ky nuk është eventi i vetëm sporti që po zhvillohet me spektatorë dhe se realizimi i tyre mund të arrihet duke zbatuar kriteret e Qeverisë dhe masat anti-Covid.
“Duke i respektuar masat dhe bazuar në kriteret e Qeverisë, ne besojmë se mund t'i mbajmë Lojërat me spektatorë. E gjithë bota po përballet me të njëjtat çështje dhe ne duhet të punojmë së bashku për t’i kapërcyer ato”.
Gjithsesi, kryeministri i vendit, Yoshihide Suga, i ka bërë thirrje publikut që t’i shikojë këto lojëra olipike përmes ekranit të televizionit.
Lojërat Olimpike Tokio 2020 u shtynë një vit më parë për shkak të pandemisë globale, për t’u zhvilluar këtë vit nga 23 korriku deri më 8 gusht.
