Aksidentoi me makinë 74-vjeçaren dhe u largua, prangoset teksa bënte plazh i riu në Durrës
Nga OraNews Përditësimi i fundit 19 Qershor 2021, 16:26
Policia e Durrësi ka prangosur një person 22-vjeçar, pasi ai ka aksidentuar një shtetase më datë 15.06.2021 dhe më pas është larguar nga vendi i ngjarjes.
Gjithashtu ky shtetas ishte i shpallur në kërkim pasi dyshohet si autori kryesor i 2 vjedhje në Durrës.
''Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe zbardhjen e vjedhjeve të ndodhura më parë, pas një pune intensive u bë e mundur kapja dhe ndalimi i shtetasit E. Z., 22 vjeç, banues në Durrës. Ky shtetas më datë 15.06.2021, në lagjen nr.11, Durrës, duke drejtuar mjetin tip "Toyota", ka aksidentuar shtetasen italiane A. G., 74 vjeçe, dhe më pas është larguar nga vendngjarja. Shtetasja A. G., pas mjekimit të marrë në spital është larguar në banesë." - njofton policia.
Po ashtu, dyshohet se ky shtetas është autor i 2 vjedhjeve të ndodhura më parë, konkretisht:
Më datë 10.06.2021, në Kameras, Durrës, dyshohet se ka vjedhur në dyqanin e shtetases V. M., një sasi vlere monetare dhe disa paketa cigare.
Më datë 14.06.2021, në lagjen nr.13, Plazh, Durrës, dyshohet se ka vjedhur në marketin e shtetasit M. M.
Materialet në ngarkim të shtetasit E. Z., do ti kalojnë Prokurorisë së Rrethit Gjyqësor Durrës, për veprat penale "Shkelja e rregullave të qarkullimit rrugor", "Largimi nga vendi i aksidentit" dhe "Vjedhja".
