"Do mbrojmë nipërit pensionistë" Meta i përgjigjet Kuvendit me lapsusin e deputetit Jenisheri
Nga OraNews Përditësimi i fundit 9 Qershor 2021, 15:43
Ndërkohë që Kuvendi tashmë e ka shkarkuar si president, Ilir Meta ka reaguar përmes një postimi në rrjetin social, Facebook.
Meta ka postuar një lapsus të deputetit Selami Jenisheri i cili duke folur në Kuvend tha se "Do iu dalim zot, nipërve dhe mbesave tona pensionist, të cilët iu është mohuar e drejta e votimit."
"Të dashur miq, ju uroj një pasdite të qetë, relaksuese dhe të qeshur duke ju përshëndetur të gjithëve me këtë thënie frymëzuese!" - shkruan Meta.
Kuvendi ka shkarkuar me 104 vota pro Presidentin Ilir Meta. Ndërkohë kundër shkarkimit të tij, kanë votuar 7 deputetë dhe 3 abstenim.
Në Kuvend nuk ishin të pranishëm Ministrja Olta Xhaçka, Fidel Ylli, Korab Lita, Rudina Hajdari Amra Borova dhe Agron Kapllanaj.
Vendimi do i dërgohet Gjykatës Kushtetuese, të cilës i mbetet të thotë fjalën e fundit për këtë kërkesë.
