Sërish radhë për abonetë, irritohen qytetarët: "biletat mujore" tregëtohen vetëm në një pikë

Nga Anxhela Celibashi Përditësimi i fundit 2 Qershor 2021, 09:15

Për të dytën ditë me radhë kjo është kioska e vetme që ofron abonetë për transportin publik të linjës Kombinat-Kinostudio (shiko videon).

Për këtë qytetarët janë detyruar të vijnë në qendër ku u përballën me radhë të gjata.

Për shkak të pritjes, disa rrezikuan të humbasin edhe ditën e punës.

"Gjithë Tirana te kjo kioskë. Të hapin 5-6, gjithë këta njerëz që rrinë në radhë me orë të tëra. Të hapen 5 kioska nëpër stacione dhe të shiten."

Poll

"Nuk shkojmë dot në punë se i do qejfi kompanisë. Edhëm dje në pritje, sot në pritje."

Pezullimi i aboneve të përgjithshme i vendos qytetarët përballë disa vështirësive. Ose do të paguajnë për disa linja urbani, ose do të ecin në këmbë për të mbërritur në destinacion.

"Tre abone i thonë 36 mijë lekë. Vetëm të punojmë për autobusët."

"Është kot me shku në punë, kot fare."

Pas heqjes së abonesë së përgjithshme për transportin qytetas në Tiranë udhëtarët po hasin edhe një problem tjetër, atë të mungesës së aboneve të linjave si rasti i Tiranës së Re.

Zyra ku tregtohen abonetë e kësaj linje është e mbyllur.

"I lutem shtetit, nxirrni abone për Tiranën e Re."

"Nuk e dimë ku janë pikat që shiten."

"As Porcelani, asnjë linjë tjetër nuk ka."

Për heqjen e abonesë së përgjithshme qytetarë dhe aktivistë të shoqërisë civile kanë njoftuar një protestë këtë të mërkurë para bashkisë së Tiranës.