U vra me një plumb në zemër, 45-vjeçari në Tepelenë u ekzekutua brenda pallatit ku jetonte, kurthi që i ngriti i njohuri
Nga OraNews Përditësimi i fundit 1 Qershor 2021, 23:20
Detaje të reja kanë dalë në lidhje me vrasjen e 45-vjeçarit Çajup Selimi, mbrëmjen e sotme në Tepelenë.
Ora News, mëson se Selimi është qëlluar në pallat. Ora Nws mëson se 45-vjeçari është thirrur nga një person tjetër në katin e dytë dhe një tjetër i cili e priste në katin e parë është ngjitur për ta ekzekutuar. Mësohet se Selimi është qëlluar me një plumb në zemër.
Burime bëjnë me dije se në vrasjen e Selimit janë përfshirë dy persona.
Si ndodhi ngjarja?
Mësohet se në momentin që është thirrur Selimi ka qenë në shtëpi, dhe personi që e ka thirrur ishte i njohur për viktimën dhe ndaj ky i fundit nuk ka nguruar që të zbresë.
Sakaq Ora News, ka siguruar edhe videon nga pallati ku është vrarë Selimi. Gjurmët e gjakut në pallat tregojnë se Selimi është vrarë në sheshpushimin e katit të dytë.
Ngjarja e rëndë ndodhi mbrëmjen e sotme rreth orës 21:15 në qytetin Tepelenës, në lagjen "15 Shtatori". Sipas policisë 45-vjeçari, ka humbur jetën në spital, pasi nuk u ka mbijetuar plagëve të marra. Policia ka mbërritur në vendngjarje ka mbërritur policia dhe po punon për zbardhjen e ngjarjes dhe kapjen e autorit.
Në vitin 2018 Selimi u përlesh me dy persona, të cilët e goditën e atë me mjete të forta. Asokohe familjarët e tij do të deklaronin se ai ishte sulmuar edhe 4 herë të tjera. Për ngjarjen në vitin 2018 u ndalua Risiano Abedini, po nga Tepelena.
Një nga pistat paraprake ku dyshohet është pikërisht kjo, mosmarrëveshjet dhe zënkat për shkak të konkurencës, por pritet që autoritetet të zbardhin gjithçka.
45-vjeçari pasi u qëllua me armë u dërgua në Spitalin Rajonal të Gjirokastrës, por ndërroi jetë si pasojë e plagëve të marra. Policia vijon aksionin për kapjen e autorit.
