Dalin pamjet e aksionit në Krujë, RENEA e FNSH shkatërrojnë laboratorë e sera me kanabis, 16 të arrestuar, 24 në kërkim

Nga Edison Vatnikaj Përditësimi i fundit 30 Maj 2021, 10:34

Forcat speciale Renea dhe FNSH rrethuan gjithë zonën e Krujës ku kryen kontrolle dhe vunë në pranga 16 persona të akuzuar për kultivim kanabisi dhe armëmbajtje pa leje. 

Në përfundim të operacionit “Agimi” u shpallën në kërkim 24 persona.

Kontrollet janë bazuar në informacionet e marra Guardia Di Financa duke bastisur sera, magazina, banesa e zona të pyllëzuara.

Policia ka sekuestruar një numër të lartë bimësh narkotike të cilat ishin bërë gati për tharje, fidanë dhe fara.

Kontrollet vijuan nëpër banesat e banorëve të zonës së Niklës, Halil dhe Arramerras të rrethit Krujë.

Në një bodrum banese u identifikua edhe një laborator i mirëfilltë për prodhimin e lëndës narkotike nëpërmjet ngrohjes më anë të llambave të energjisë.

Lista e emrave të arrestuar

Asllan Deliu

Marsel Loci

Eldi Kaceli

Indrit Kullaj

Dashamire Deliu

Musait Vathi

Xhavit Kullaj

Dashamir Kullaj

Ferit Kullaj

Erlind Almeta

Fetije Kullaj

Refik Deliu

Erjon Deliu

Flamur Halili

Ervin Perlica

Sokol Kullaj

Këto janë emrat e 16 personave të cilët u arrestuan nga policia në kushtet e flagrancës pasi akuzohen si të përfshirë në kultivimin e lëndëve narkotike.

Mes tyre janë edhe 2 operatorët e shpërndarjes së energjisë narkotike pasi në përfundim të rezultateve është zbuluar se kanë kryer lidhje të jashtëligjshme për familjen Kullaj aty ku u zbulua dhe laboratori i drogës.

Tre persona janë proceduar penalisht.

Bëhet fjalë për një 17 vjeçar si dhe 2 kryepleq të fshatit Nikël dhe Halil.

Kruja vijon të jetë në qendër të vëmendjes të policisë pasi si asnjëherë më parë kontrollet e autoriteteve italianë  monitorimet i kanë filluar prej më shumë së 1 muaji dhe pikërisht nga qyteti i Krujës dhe rrethinat e saj.

Referuar raportit të Prokurorisë së përgjithshme për vitin 2020 Kruja zë vendin më të lartë të procedimeve që përbën 24 përqind të numrit total në shkallë vendi.

Në prokurorinë e Tiranës janë regjistruar 20 përqind të numrit total dhe më pas renditet qyteti i Vlorës.