Erdogan përuron sot xhaminë në sheshin e famshëm të Stambollit
Nga OraNews Përditësimi i fundit 28 Maj 2021, 11:07
Hapja zyrtare e xhamisë, e cila u themelua 4 vjet më parë në Taksim, Turqi ku 2250 persona mund të luten në të njëjtën kohë, do të mbahet sot, 28 maj.
Ceremonia e hapjes, e cila do të mbahet me pjesëmarrjen e Presidentit Rexhep Tajip Erdogan, do të zhvillohet pas lutjes të së Premtes.
Xhamia, themeli i së cilës u hodh në 17 shkurt 2017 dhe mban firmën e Arkitektëve Şefik Birkiye dhe Selim Dalaman, gjithashtu përfshin një parkim makinash, një zonë ekspozite, një sallë konferencash, një kuzhinë dhe një Bibliotekë Islame Dixhitale.
Xhamia ka një sipërfaqe prej 16 mijë e 500 metra katrorë dhe është 20 metra e lartë.
Kupola kryesore ka një diametër prej 28 metrash dhe një lartësi prej 9 metrash.
Xhamia do të jetë 12 metra në diametër, 20 metra e gjatë dhe 60 llambadarë me shkëlqim.
Xhamia, sipas CNN Turk, ka katër dyer hyrëse, përfshirë hyrjen kryesore, e cila është prej çeliku. Porta kryesore është 7 metra e gjatë dhe 3 metra e gjerë.
Parku 3 katësh i xhamisë ka një kapacitet prej 165 automjetesh.
